Hieronder is items op vanjaar se US Woordfeesprogram op Stellenbosch (1-10 Maart 2019) met ’n Nederlandse of Vlaamse komponent. Volledige program heel onder.
Connie Palmen (Foto: Vera de Kok - Eigen werk [CC BY-SA 3.0], via Wikimedia Commons)
REBELLIE EN VERSET
Met: Adriaan van Dis, Connie Palmen, Adrian “Diff” van Wyk en Valda Jansen. Moontlik gemaak deur die Kaapse Forum vir Neerlandistiek en SASNEV
Die grande dame van Nederlandse letterkunde Connie Palmen en De Wereld Draait Door-boekprogramaanbieder en skrywer Adriaan van Dis debatteer met plaaslike skrywers Valda Jansen en Adrian “Diff” van Wyk oor die jeug, rebellie en verset: Behoort dit net aan die jeug? Hoe sien die paneel die gevestigde orde? Hoe kom húlle in hulle skryfwerk in opstand? Dié forumgesprek dien as lusmakertjie voor die jaarlikse, feestelike SASNEV-verwelkomingsborrel ter viering van die nou verhouding tussen Afrikaans en Nederlands.
2 Maart 17:00 60 min | ATKV Boektent R55 | R70 by die deur
Alfred Schaffer (foto: Naomi Bruwer)
DIGTERSPARADYS
Met: Frieda van den Heever as gasvrou. Aangebied deur Protea Boekhuis, Naledi en NB-Uitgewers
RSG se Frieda van den Heever speel vanjaar gasvrou wanneer bekende en debuutdigters hulle werk kom voorlees. Op die spyskaart is Willie van der Merwe uit Nederland met Doodmenslik, Alfred Schaffer met sy bekroonde Mens, dier, ding, Corlia Fourie (Die goeie vrou en ander mites), Marlise Joubert (Grondwater), Johannes van Eeden uit Switserland met sy debuut, Die val, Gabeba Baderoon met The History of Intimacy, en Koos Kombuis (Vandag wil ek my blou skoene dra).
9 Maart 17:00 90 min | ATKV Boektent R55 | R70 by die deur – glas wyn ingesluit
Ellen Deckwitz (Foto: Sebastiaan ter Burg from Utrecht, The Netherlands [CC BY 2.0], via Wikimedia Commons)
VAN VER EN HIER
Ryan Pedro, in gesprek met Ellen Deckwitz en Radna Fabias. Moontlik gemaak deur die Kaapse Forum vir Neerlandistiek en SASNEV
Die talentvolle digter Ryan Pedro gesels met twee jong en suksesvolle digters – Ellen Deckwitz uit Nederland en Radna Fabias, oorspronklik afkomstig van Curaçao – oor die belang van pryse en erkenning, die rol van afkoms en die lekkerte van skryf en optree. Uiteraard vertel dié verhoogpersoonlikhede ook hoekom hulle gedigte so goed ontvang is in die Lae Lande.
2 Maart 14:00 60 min | Adam Small Seminaarkamer R55 | R70 by die deur Taal: Afrikaans en Nederlands
PICTURE THIS!
Aangebied deur Protea Boekhuis.
’n Uitstalling van die afgelope vier jaar se wenners van die internasionale Picture this!-prenteboek-illustrasiekompetisie maak vanjaar ’n Woordfees-draai nadat dit reeds in die ander deelnemende lande, Duitsland, Engeland en Nederland, vertoon is. Dié wedstryd is deur Lemniscaat, die bekendste Nederlandse kinderboekuitgewer, begin om ongepubliseerde illustreerders die kans te gee om raakgesien te word deur bekendstelling in ’n katalogus tydens die Bologna Kinderboek-Beurs in Italië. Kom verlustig jou in meer as 40 kleurryke werke – waaronder dié van die drie onlangse Stellenbosse wenners. Werke is te koop.
1-10 Maart 10:00 - 17:00 Voorportaal Stellenbosch-stadsaal, gratis
ARGITEKTUUR UIT VLAANDERE
Taalboustene uit die argitektuur
Dolf Wieërs, emeritusprofessor en argitek uit Vlaandere, gesels oor die kleurryke herkoms van gesegdes en uitdrukkings wat hul oorsprong in die argitektuur en boukuns het. Ondergrondse blyplekke in Suid-Afrika Die Vlaamse argitek Jan Keymis het in Port Elizabeth navorsing oor ondergrondse wonings binne ’n Suid-Afrikaanse konteks gedoen. Hy verduidelik aan die hand van interessante internasionale en plaaslike voorbeelde die verskille tussen, asook die voor- en nadele van ondergrondse en bogrondse boukuns.
Kultuur – landskap – argitektuur: Lesse uit Limburg
Die Vlaamse provinsie Limburg en die Boland stem in baie opsigte ooreen – albei streke word gekenmerk deur historiese dorpies en vrugteboerdery. Rudolf Perold het pas sy doktorale navorsing in geografie en argitektuur aan die universiteite van Stellenbosch en Hasselt voltooi. Hy praat oor die werk van twee argitektuurpraktyke in die Limburgse hoofstad wat op omsigtige wyse tot die argitektuurerfenis in hul streek bydra.
9 Maart 14:00 105 min (3 sessies van 35 min) | Adam Small Seminaarkamer Gratis Taal: Afrikaans en Vlaams
DIE EGGO VAN JOU OË
Regisseur: Jannie du Toit & Susan Mouton. Met: Jannie du Toit (sang en kitaar), Susan Mouton (tjello) Vervaardiger: Jannie du Toit
Jannie du Toit en Susan Mouton bederf die gehoor in Die eggo van jou oë met Jannie se jongste liedjies en gunstelinge uit sy jeugjare – van die Afrikaanse kunslied, wêreldpop, folk van die sestigeren sewentigerjare en die beste uit die Europese kleinkunstradisie. Dis Dylan tot Doep en die Beatles tot Brel saam met enkele instrumentale werke vir tjello en kitaar.
1 Maart 18:30 | 2 Maart 20:30 3 Maart 20:30 60min | kykNET Fismer | R130 | R150 by die deur Taal: Afrikaans, Engels, Frans, Nederlands
AMANDA STRYDOM
Met: Amanda Strydom (sang) begelei deur Coenraad Rall (klavier)
Amanda Strydom is volksbesit. Sy vier in 2019 vier dekades in die vermaaklikheidsbedryf. In hierdie konsert sing sy liedjies uit haar groot repertoire van haar albums en ook ballades in Frans, Engels en Nederlands. Oudergewoonte verweef sy stories en poësie met die musiek en dek sy die hele spektrum van die skreeusnaakse tot roerende patos.
4 Maart 20:00 60 min | Stadsaal R100 - R150 | R170 by die deur
Niël Rademan (foto: Naomi Bruwer)
RADEMAN
Met: Niël Rademan (klavier en sang), Louis Jones (perkussie), Corneil Müller (tjello en sang) en Lucas Heinen (klavier en trekklavier)
In RADEMAN vervleg gesoute musikante pop en teatermusiek en swaai gemaklik tussen sigeunerklanke, ligte rock, klassiek, tango en selfs volksmusiek met kort, vermaaklike vertellings tussendeur. Die produksie sluit oorspronklike komposisies deur Niël Rademan en Neil McDonald in, asook ikoniese ou bekendes deur Koos Kombuis, Christa Steyn, Hennie Aucamp, Carlos Gardel en Jacques Brel.
6 Maart 13:00 | 7 maart 19:00 9 maart 19:00 60 min | Weltevreden Restaurantteater | R130 | R150 by die deur | Taal: Afrikaans met lirieke in Afrikaans, Engels, Nederlands en Spaans
- Hier is die volledige program van US Woordfees 2019 in PDF-formaat.
The post US Woordfees 2019: Nederlandse en Vlaamse komponent appeared first on LitNet.